NACE SIGÜEIRO.COM : o Portal web de Sigüeiro

Hoxe 5 de Xullo de 2007 ven de nacer Portal web de Sigüeiro, SIGÜEIRO.COM.
Abre-se apartires de hoxe un CONCURSO DE IDEIAS co obxecto de que todas as persoas e entidades de Sigüeiro que queiran participar na confección do síto web, aporten as suas opinións,
comentarios ou suxeréncias para a confección da páxina web.

Asique, se es de Sigüeiro, vives ou traballas alí, es membro dalgunha asociación cultural ou veciñal, tes unha empresa ou negócio en Sigüeiro, e che interesa participar na creación do seu portal de internet; podes comenzar por escreber ao seguinte e-mail: sigueiro@wanadoo.es

Fotos de Sigüeiro

As Augas de Outono enchen Sigüeiro

Outra volta as augas do Tambre cubren as marxes do rio, en Sigüeiro, coma aconteceu sempre, ainda que agora moitos/as teñen os pisos à beira das augas...

Agardemos que tamén coma sempre, estas enchentas non cheguen a maiores, coma en Cee, onde a especulación urbananística xunto às consecuéncias máis nefastas dos incéndios forestais, é a responsável de que haxa centos de galegos a valeirar a auga da casa con caldeiros.

E logo dirán os da TV que hai seca, e que en Murcia non hai auga para tanto tomate...

Máis fotos de Sigüeiro...

SIGÜEIRO-BEIRUT

ATENTADO EN SIGÜEIRO


Na parte orosán de Sigüeiro, puxeron hoxe un petardo. Digo petardo porque se se compara coa que esta a caer no Líbano ISTO só parece obra duns alucinados aparvados. O perfil dos iluminados poderia ser similar ao dos que xa remataron no cárcere por atentar en vésperas das Festas do Apóstolo o ano pasado. Celebraremos este ano o dia da Pátria tranquilos? Ou haverá que agardar novos despropósitos?.

Alguns xa se aventuraron a buscar culpáveis no "independentismo" e pode que teñan razón se con esa verba se refiren aos mesmos que eu alcumo de "alucinados" e que non por iso merecen menos castigo. Desde aqui o meu recordo das espantosas imaxes que me chegan por e-mail da cidade abrasada de Beirut paraiso noutrora onde mesmo tocaron artistas galegos comos OS TAMARA e PUCHO BOEDO.

Alguns malcheirentos neste pais tamén queren empregar a violéncia e reducir a cascallos parte das nosas vilas. Con eles, aprendices de sionistas, faria unha viñeta se o tema non fose tan triste e patético. Agardo coma a maioria que estes delincuentes rematen en prisión, e por favor que non lles deixen CANTAR en concursos televisivos!





En Sigueiro coma en Beirut queremos PAZ e LIBERDADE.

Dixen.


Links relacionados:

Nova en Vieiros:
http://vieiros.com/nova.php?Ed=1&id=51530

Fotos da Desfeita:

http://www.lavozdegalicia.es/albumes/galeria.jsp?album=2006720141337

O estado lamentável do Refuxio de Sigüeiro

O Refuxio de Sigüeiro: Vertedoiro de Lixo

By Miguel Edreira

O Refuxio de Sigüeiro


Xa havia tempo que non ia por ali, e nesta finde din en ir amosar-lle as "marabillas" do lugar onde vivo, e rematamos sen poder remexer-nos entre os que lavavan os platos do churrasco con fairy nas augas do rio, botellas de refrescos e lixo esparecidos por todo o lugar, velaqui a miña denúncia fotográfica. Algunhas fotos amosan a beleza estragada por domingueiros con pegatas de NUNCA MAIS no coche...

Inicio Anterior Presentación Diapositivas Seguinte Fin

Estado de lamentável abandono do "Refuxio", un lugar fermoso no rio Tambre. A xente que alí fai parrilladas e merendas (e que logo lava con Fairy os platos no rio), os viciños que non fan nada máis que reclamar que as suas leiras de carón do rio sexan urbanizaveis e o Concello de Santiago de Compostela asemade coma Xunta e Seprona (que fan deixación das suas obrigas de protección do medio ambiente) son Culpaveis por igual deste estado de cousas. Desde aqui reclamamos a limpeza do rio Tambre e a proibición de parrilladas e similares se non se garantiza o respeto polo medio.

Por Sigüeiro Pasa lixeiro

Links Relacionados:

Verdegaia: Asociación Ecoloxista Galega e Independente
http://www.verdegaia.org/

Máis fotos de Sigüeiro e a Barciela na rede

Máis fotos na rede grazas a Yahoo e o seu Flickr
Galeria de Fotos de Sigüeiro en Flickr

• Natureza en Sigüeiro
• Ruas e Tráfico en Sigüeiro

Galeria de Fotos de Sigüeiro en Flickr

Aqui tedes outra Galeria de Fotos de Sigüeiro.

Por Sigüeiro Pasa Lixeiro está en obras!

Por Sigüeiro Pasa Lixeir@, está en obras, mais cedo ou tarde teremos outravolta páxina @s que escapamos diariamente de Sigüeiro, sexamos daqui de toda a vida, ou fillos de adopción ou aluguer... teremos temáticas para todos os gostos, desde sección adicada à desfeita urbanística da parte orosán de Sigüeiro, a locais de movida, información de interese local , a história da parróquia da Barciela , galerias fotográficas e foros de discusión... Este mesmo blog será un medio para que deixedes as vosas opinións e comentários.

O Editor.
E-mail para colaborar: sigueiro@wanadoo.es

Por Sigüeiro pasa Lixeiro BLOG!